Mainz in Rheinhessen

Eid der Kaufhausknechte

Zur Datierung: 1445 (?) (1434-1445, vor 1462) [Anm. 1]

Eid der Kaufhausknechte

Dye kauffhuse knechte sollent zu den heiligen sweren des morgens / vnd auch nachmittem dage so man das huse off dut vor dem huse / zu sin vnd den luden gewertig zu sin biß daz das huse widderumbe zu gedan wurdet / ane alleß geverde. Jtem sall auch ir keiner keyn zunfft han dan jr broder-  / schaffte. Jtem sollent sie keyn virkorne swore noch scheltewort in dem kauff- / huse vnder eynander / han / noch geyn nymands anderst fromde oder heymsche dun / sunder vndereynander fruntlichen zu [Anm. 2] syn vnd frombde vnd heymsche mit ire(n) worte(n) / frundtlichen halten. Jtem wereß auch das deheinerley zweischilligkeit oder / spenne / zwuschen yen einsteils / oder zu male / entstunde / oder daz ir einer dem andern / an sin ere vnd gelimph rette / wo daz beschee daz sollent sie vndereynander nit riechten / sunder das an die husemeistere brengen. Vnd wie sie die darumbe entscheident / dem / sollent si also nach gene. Auch wie die husemeistere sie mit der arbeid jn / gemeynschafft oder in besunderheid seczen vnd orden werdent / das sollent sie dun / ane allen jntrag. Sie sollent auch an keinerley kauffmanschafft die in das / kauffhuse kom(m)et deyle oder gemeyn han nach des wenig oder vil keuffen ane / laube der husmeystere. Waz sie auch jnne werden daz dem kauffhuß / nuczliche ist das sollen sie den husemeinstern sagen vnd des kauffhuß schaden / warnen / vnd den husemeistern daz vorbringen. Jn allen diessen vorges(chrebene)n / puncten sollent sie den husemeistern die zu yglicher zijt sint gehorsam sin / vnd welicher das verbreche den oder dem mogent die husemeistere orlaub / geben / darwidder sich jr keyner ercklichen mit worten oder mit wercken / seczen sall in keyne wijse.

Quelle

StA Würzburg, MzBü 2 fol. 2v.

Nachweise

Redaktionelle Bearbeitung: Stefan Grathoff

Aktualisiert am: 9.12.2014

Anmerkungen:

  1. Maurer Nr. 10, S. 11 datiert den Eid der Kaufhausknechte in das Jahr 1438. Zurück
  2. Das Wort scheint durchgestrichen zu sein.  Zurück